საქართველო ტრანსფორმირებულია თავისუფალ და განვითარებულ სახელმწიფოდ, და მის წამყვან ძალას ახალგაზრდები წარმოადგენენ.

“საქართველოს მომავლის აკადემიის” მისიაა განვითარებული, თანამედროვე და წარმატებული საქართველოს ჩამოყალიბება საქართველოში მცხოვრები ახალგაზრდების გაძლიერების გზით. ჩვენ გვჯერა, რომ საქართველოს ტრანსფორმაცია თავისუფალ, ევროპულ ქვეყანად შესაძლებელია ახალგაზრდების განათლებით და მათი სამოქალაქო ჩართულობით.

“საქართველოს მომავლის აკადემია” არის არასამეწარმეო, არაკომერციული ახალგაზრდული სათემო საგანამანათლებლო ორგანიზაცია, რომელიც 2015 წლის 19 აგვისტოს დაარსდა და წლებია აქტიურად მუშაობს სამი ძირითადი მიმართულებით: 

ა) ახალგაზრდების სამოქალაქო განათლება; 

ბ) დებატების და საჯარო გამოსვლების კულტურის დამკვიდრება; 

გ) ახალგაზრდების ჩართულობა სამოქალაქო/საარჩევნო პროცესებში, როგორიცაა კარდაკარ კამპანიები და სადამკვირვებლო მისიები.

აკადემიის გამორჩეული პროექტია “იდებატე”, ერთადერთი სეზონური დებატების ჩემპიონატი საქართველოში, რომელიც 4500-ზე მეტ კურსდამთავრებულს აერთიანებს წარმატებით ჩატარებულ 80 ტურნირთან და ასამდე კვალიფიციური მსაჯთან ერთად. 

ამასთან, “საქართველოს მომავლის აკადემია” 2017 წლიდან აკვირდება საქართველოში ჩატარებულ ადგილობრივ, საპრეზიდენტო და საპარლამენტო არჩევნებს. 2024 წლის საპარლამენტო არჩევნებისთვის იგი იყო სადამკვირვებლო მისიის “ჩემი ხმა” ბორდის წევრი და აქტიური კონტრიბუტორი.

ორგანიზაცია აერთიანებს ახალგაზრდა პროფესიონალებისგან შემდგარ გუნდს და მოხალისეებს, რომლებიც ყოველდღიურად იბრძვიან საქართველოს უკეთესი მომავლისთვის.